Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Агаарын тухай хууль болон Монгол Улсын Засгийн газрын 2018 оны 62 дугаар тогтоолыг үндэслэн БОУАӨ-ийн сайд, нийслэлийн Засаг дарга нар 2025.07.22-ны өдрийн хамтарсан тушаал, захирамжаар Улаанбаатар хотын агаарын чанарыг сайжруулах бүсийг шинэчлэн тогтоосон билээ.
Нийслэлийн агаарын чанарыг сайжруулахаар Сүхбаатар, Сонгинохайрхан, Баянгол, Баянзүрх, Чингэлтэй, Хан-Уул, Налайх дүүргийн 108 хороонд Ногоон болон Шар бүсийг тогтоож, тухайн бүсэд мөрдөх журмыг баталсан.
Уг журмын дагуу Ногоон бүсэд дараах үйл ажиллагааг хориглох юм.
Стандартад нийцсэн бүх төрлийн хийн болон шингэн түлшнээс бусад төрлийн түлш, эд зүйл шатаах (Бүх төрлийн хатуу түлш);
Стандартаар зөвшөөрөгдсөн хэмжээнээс давсан агаар бохирдуулагч бодис ялгаруулж байгаа тээврийн хэрэгсэл ашиглах, тэдгээрийг өмчлөгч, эзэмшигчид автобензин, дизель түлшийг худалдан борлуулах;
Инженерийн шугам, сүлжээнд холбогдох боломжтой байршилд ахуйн болон үйлдвэрлэлийн зориулалтаар газрын доорх ус ашиглах;
Авто сэлбэгийн задгай худалдаа үйлчилгээ эрхлэх;
Хог хаягдал дахин боловсруулах, шатаах, устгах, булшлах үйл ажиллагаа эрхлэх, аюултай хог хаягдлын жагсаалтад орсон дахивар нөөц авах цэг байгуулах;
Шатахуун түгээх станцууд Евро-5 ангиллын түлшнээс бусад төрлийн түлшийг худалдан борлуулахыг хориглоно.
