Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Улаанбаатар хотын төвлөрлийг бууруулах, эдийн засгийн өсөлтийг хөгжүүлэх зорилгоор Монгол Улсын Их Хурлын 76 дугаар тоот тогтоолоор “Хүннү” хотыг байгуулах шийдвэр гарсан. Хүннү хот нь өөрийн эх үүсвэрээс эрчим хүчээ батарей хуримтлуулахаар төлөвлөсөн бөгөөд Монгол улсын Засгийн газрын 210 дугаар тогтоолын 2 дугаар хавсралтад заасны дагуу төслийн зураг төсөл, төсвийг боловсруулах, барих, ашиглах, шилжүүлэх хэлбэрээр түншлэлийн гэрээ байгуулах юм. Хувийн хэвшлийн түншлэгчийг сонгон шалгаруулалтыг 2025 оны 12 дугаар сарын 26-ны өдрөөс 2026 оны 1 дүгээр сарын 5-ны 16:00 цаг хүртэл олон нийтэд нээлттэй зарласны дагуу доорх аж ахуй нэгжүүд оролцох хүсэлтээ ирүүллээ.
- “Ньюком" ХХК;
- “Эич Эй Си Смарт Тех" ГХОХХК;
- "Энвижн Энержи" ХХК;
- "Шийриз стоун" ХХК;
- "Хунан Индастриал Экүйпмент Инсталэйшн" ХХК;
- “Алтай Трест” ХХК гэсэн ААН санал ирүүлсэн юм.
“Хүннү хотын өөрийн эх үүсвэрээр цэнэглэх 90 МВт батарей хуримтлуур” төслийн урьдчилсан сонгон шалгаруулалтын баримт бичгийг оролцсон ААН-үүдэд гардууллаа. Хувийн хэвшлийн төлөөлөл урьдчилсан сонгон шалгаруулалтын баримт бичгийн дагуу саналаа бэлдэн 2026 оны 2 дугаар сарын 5-ны 16:00 цагт ирүүлэх бөгөөд төр, хувийн хэвшлийн түншлэлийн тухай хуулийн дагуу дараагийн шатны сонгон шалгаруулалтыг явуулна.
