Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Японы Цог Жавхлант Эзэн хаан Нарүхито 66 насныхаа төрсөн өдрөөр хааны ордноос иргэдтэй мэндчиллээ.
Өглөө 9:30-д хааны ордны гол хаалга нээгдэхэд 15 мянга орчим хүн цугласан байв. Эзэн хаан Нарүхито, хатан Масако, гүнж Айко нар тагтан дээрээс гурван удаа гарч мэндчилсэн бөгөөд угсаа залгамжлах ханхүү Фүмихито, гүнж Кико болон тэдний хүүхдүүд хамт байлцав.
Эзэн хаан их цасны улмаас учирсан хохиролд эмгэнэл илэрхийлж, хавар ойртож буйг дурдсан бөгөөд иргэдэд энх тайван, эрүүл мэнд, аз жаргал хүсжээ.
Энэ үеэр аюулгүй байдлыг чангатгаж, хамгаалалтын ажилтнуудын тоог нэмэгдүүлэн, хашааны доор тор байрлуулжээ.
Мөн тэрээр Ерөнхий сайд Санаэ Такаичи болон парламентын хоёр танхимын дарга нараас баяр хүргэх мэндчилгээ хүлээн авч, ордны их танхимд 100 гаруй зочин оролцох хүлээн авалтад оролцох хуваарьтай аж.
Эх сурвалж: NHK
