Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Монгол улсын иргэн Гансүхийн Майцэцэг Монополын эсрэг газарт гомдол гаргажээ.
Монополын эсрэг газар-т Монгол улсын иргэн Гансүхийн Майцэцэг миний бие танай байгууллагад дараах гомдлыг гаргаж байна.
МУ-н Засгийн газраас гаргасан Нэмэгдсэн Өртгийн Албан Татварын Тухай Хуулийн 13.1.15, 13.1.16, 13.1.17 –д Монгол улсын нутаг дэвсгэрт үйлдвэрлэсэн сүү, мах, гурил, хүнсний ногоог худалдан борлуулахад НӨАТ-с чөлөөлсөн бөгөөд 2024 оноос хэрэгжиж эхэлсэн. Энэхүү хууль нь 1 талдаа үндэсний үйлдвэрлэгчидээ дэмжиж тэдний өрсөлдөх чадамжийг сайжруулах, нөгөө талдаа иргэдэд хямд үнээр өргөн хэрэглээний бүтээгдэхүүн болох мах, сүү, гурил, хүнсний ногоог хүргэх бодлого байсан гэж иргэн хүний хувьд бодсон. Гэтэл бодит байдал дээр монопол сүлжээ дэлгүүрийг дэмжих зорилготой энэ хууль хэрэгжиж байна. /баримтаар хавсаргав/
Иргэд хуулийн дагуу тухайн дэлгүүр том уу, жижиг үү, сүлжээ юу, биш үү гэдгээс үл хамааран 10%-н нэмэгдэлгүй үнээр сүү, гурилаа авах эрхтэй.
Энэ хууль нь жижиг бизнес эрхлэгчидээ дэмжихгүй байх зорилготой байсан бол хэн нэгэнд давуу эрх олгосон, албан тушаалаа урвуулан ашигласан гэдэг үндэслэлээр тухайн хуулийг санаачилсан эрх бүхий этгээдийг хуулийн дагуу хариуцлага тооцуулахыг шаардая.
Эсвэл хуулийг хэрэгжүүлэх шатандаа нугалаа гаргаж нэр бүхий 5-н сүлжээ дэлгүүрт давуу эрх олгосон бол МУ-н Татварын Албаны буруутай үйлдэлд хариуцлага тооцохыг шаардаж байна. Учир нь дээрх хуулийг хэрэгжүүлэн НӨАТ-гүй борлуулалт хийсэн жижиг дэлгүүрүүдийг татварын байгууллагаас дарамтлах үйлдлүүд гарсан учраас иргэдэд НӨАТ-н 10% нэмдэг гэж жижиг дэлгүүрийн бизнес эрхлэгчид тайлбарлаж байна.
МУ-д хууль бүгдэд тэгш үйлчилдэг байхыг шаардаж байгаа учраас Монополын эсрэг газарт энэ асуудлаар хандаж байна.
Гомдол гаргасан МУ-н иргэн Г.Майцэцэг гэжээ.
