Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Хан-Уул дүүргийн 17 дугаар хорооны нутаг дэвсгэрт нийслэлийн төсвийн хөрөнгө оруулалтаар 720 хүүхдийн суудалтай сургууль барьж байна.
Барилга угсралтын ажил 60 хувийн гүйцэтгэлтэй үргэлжилж байна.
Тус сургууль нь нийт 5,340.3 м.кв талбайтай, А, Б, В гэсэн 3 блок бүхий барилга юм. А блок нь зоорьтой, 3 давхар, Б болон В блок нь зоорьгүй, 3 давхар байхаар төлөвлөсөн. Үүнээс А блок 25.4 × 19.0 м, Б блок 32.5 × 19.0 м, В блок 34.2 × 18.5 м хэмжээтэй юм.
Одоогийн байдлаар барилгын дотор заслын ажил, гадна фасадын ажил, сантехникийн угсралт, инженерийн шугам сүлжээний холболтын ажлууд үе шаттайгаар үргэлжилж байна.
Сургуулийн барилга ашиглалтад орсноор тухайн хорооны сурагчдын суралцах орчин сайжирч, сургуулийн ачааллыг бууруулах, чанартай боловсролын үйлчилгээ авах боломжийг нэмэгдүүлэх ач холбогдолтой юм.
